छत्तीसगढ़िया क्रांति सेना मं राज साहू के मिली प्रदेश संगठन मंत्री के जिम्मेदारी, कार्यकर्ता मन में उत्साह
रायपुर।राजधानी रायपुर ले करीब 120 किलोमीटर दूर, जिला महासमुंद के खल्लारी विधानसभा के छोटे से गांव भरुवामुड़ा ले निकले बेटा सुपर स्टार राज साहू आज पूरा छत्तीसगढ़ मं अपन पहचान बना लिहिस हे। छत्तीसगढ़िया क्रांति सेना (गैर राजनीतिक संगठन) मं संगठन ह राज साहू ला प्रदेश संगठन मंत्री के जिम्मेदारी सौंपे हवय।
गांव के साधारण माहौल मं पले-बढ़े राज साहू ह हमेशा छत्तीसगढ़िया अस्मिता, संस्कृति अउ समाजिक काम बर जमीनी स्तर मं काम करत आथे। अपन मेहनत, लगन अउ जनसेवा के भाव ले वो संगठन के भरोसेमंद चेहरा बन गे हवय।
राज साहू के प्रदेश संगठन मंत्री बने के खबर ले भरुवामुड़ा गांव, खल्लारी विधानसभा अउ पूरा महासमुंद जिला मं खुशी के माहौल बन गे हवय। गांव-गांव ले लोगन बधाई देथें अउ कहिथें कि छोटे गांव ले निकल के प्रदेश स्तर तक पहुंचना आज के युवा बर बड़ा प्रेरणा आय।
छत्तीसगढ़िया क्रांति सेना ह छत्तीसगढ़ के माटी, भाषा अउ हक-अधिकार बर लगातार काम करत आथे। संगठन के कहना हवय कि राज साहू जइसन जमीनी कार्यकर्ता के ये जिम्मेदारी ले संगठन अउ मजबूत होही।
भरुवामुड़ा गांव ले सुरू होके प्रदेश संगठन तक पहुंचे ये सफर आज छत्तीसगढ़ के हर गांव के सपना ला नई उड़ान देत हवय।
Live Cricket Info
